幸福要走多步計劃活動之一。本活動由幸福醫藥黎用冠慈善基金贊助。

編按:是次義工訓練活動於2015年7月4至5日舉行。

恒仔

今次個trip我完全體會到「知易行難」的道理,以前做學生的時候睇班主任帶隊好似好簡單,純粹係lead住同學討論,但原來一點都唔容易。我希望之後可以改善下講解時的流暢度,盡可能講重點以增加學生的吸收能力。

互信:互信係矇眼個陣最容易體現,見到啊kat矇眼比我帶果陣一d都唔驚,就算有時我帶到撞左佢都唔mind,完全係互信同包容既表現。

刻意:我地全組係第一日好快就買到要食既零食為第二日開工,大家都好肯做野,有唔明就去查,唔會話由得佢,十分欣賞

Memo

我覺得組長Sam哥好「刻意」(呢個term聽起來好似片佢咁)一開始Sam哥唔聲唔聲,當做咗組長,明顯見你唔同晒。當有新組員嚟到,你會主動同佢哋講嗰兩日嘅安排,我係完全無醒起新組員可能對個camp嘅詳情唔了解。所以獎你一個大澳特產(雞泡魚Emoji)

第二個我揀「關懷」。話說我印碌士印得一份,點知原來要分兩組,好彩Jason哥體貼又上心,印咗4份,仲要又地圖又資料,拎上手,個心真係定好多。預備自己又預埋人,獎你另一個大澳特產(魚Emoji)

Jason

關懷:因為星期六一點幾先喺第一城放工,一放工就箭速趕去東涌,無時間買lunch。Helen送上關心,Memo仲幫我買包,感動。喺camp果陣,ar恒得知我地無洗頭水後即借,都感動。

互信:矇眼果陣,被矇組員都好放心咁行,因為帶既組員好照顧被矇組員,上落樓梯細心提醒,對周圍景物都盡力描述。

第一次紥營,合拍既組員,整齊既隊伍,難忘既回憶,文字講唔曬。

Let the above sent pictures tell.

Sam

Jason同Vienne好關心啲學生,佢哋怕有悶場,會不停搵野講,亦會主動同學生傾計,Vienne 更會在休息時候提點學生飲水,一開始時也主動提供聯絡電話俾學生。

Memo 俾我感覺很樂觀同埋sociable,有佢喺度大家都會很開心同有計傾。

大家會互相信任,各施奇蹟,先能夠令活動流暢,有質素。其他組員也很體貼,會分享東西,知識,同埋互相尊重。

Vienne

我覺得樂觀可以代表我地組,雖然我feel到野營晚上大家都有少少緊張第二日的行程,但我地依然開心咁講笑,順便搵埋笑話for大澳的行程,特別表揚Venus, Jason同kat,你地ge chemical reaction好勁,帶動晒我地成組人。

第二個我覺得係關懷,這點感受比較深的原因係因為我係懶人。有時候我怕曬怕熱但懶開遮躲在開遮的人的隔離,有時候懶得行但有人會幫忙買早餐同零食,也有時候懶得搵部手機出黎,附近會有人幫手影相同查地圖搵路。呢幾點表揚Memo,德仔,恆仔同sam哥(特別同意memo講sam哥個段,我稱為責任心強)

Venus

樂觀:在車站集合的時候才知道要把我們分成兩組,可我們卻只準備了自己預先分配的部分,對於其他人的部分可說是一無所知。不過幸好的是我們有一個晚上多加準備,而且大家亦沒有太多的憂慮,一路上依然有說有笑。

互信:雖然上次到維多利亞城的時候已經嘗試過當一個視障人士的感受,不過這次的感覺更為深刻,因為上次只是被帶領着走一段路,但這次有更多的機會觸摸不同的物件。而且這次是由kat作領路人,因為相信她會安全的帶領着我,竟讓我感受到何為健步如飛,感覺比看得見的時候走得還快。雖然在拍照的時候,我感到有詐,但依然選擇相信她,站到台上,不過到現在我還是覺得自己中伏了。

Kat:

互信:在當一個視障人士及領路者時最能體現互信。學領路法已是數年前的事,我早已忘卻得一乾二淨……聽到要帶上眼罩時,我有點兒膽怯,怕的不是被人帶路,而是帶領別人時,有否顧及對方的感覺。在扮演視障人士時,我對領路者有十足信心(本來我就有個很大的膽子,我知道大家決不會戲弄我?)。可是,作為一位領路者,我卻猜不到對方的反應。我不知道怎能讓對方完全安心,不用擔驚受怕,可以像平常一樣走路。自問不濟的領路技巧,又如何讓人信服……我感到互信的重要,相方的信任,要讓對方感覺到才是最難做到。

關懷:感激一班組員、組長、德仔、helen, 因交流團關係,我錯過很多學習和與大家相處的時刻。初見大家既時候,好記得你地每一個都好友善咁同我交代過往發生既事(special thanks to memo),等我catch up番,好多謝大家對我的關懷同友善。?

德仔

炎炎夏日,陽光普照,我們一班可愛的義工朋友一起闖進大嶼山,遊走於東涌、昂坪、大澳間,探尋古蹟、考察當地、反思保育…享受了一個充滿汗水、歡笑和學習的週末。

期間,最觸動我的畫面,是當我深夜12點開完組長會沖完涼返到黑麻麻的營區時,見到組員們在帳篷旁邊圍埋一齊,仍然非常興奮和熱烈地討論翌日考察的資料和笑料,什麼紅樹林的”升高根”呀、”6186″呀…還說要rehearsal一次給我看,真係好正!讓我不其然感動起來~

另一個深刻的畫面,是見到幾位流動學校第一屆的畢業生如今返來做義工,薪火相傳。其中一個我當年的學生傻傻的說了一句:「好開心有你做我地班主任~」讓我會心微笑。

還有更多其他畫面,例如勞苦功高的導師們跟我們走到”流晒汗”的樣子、負責帶領小組的同學努力應付”曵學生”、繼續用心講解和引導同學思考的樣子等等,都讓我印象難忘,也讓我感恩,感恩大家都很投入和享受當中的過程。

做義工,是一件很奇怪的事-「明明你是在不斷付出,但在過程中又會得到很多收穫。」